वसईच्या संघर्षकन्या आमदार सौ स्नेहा दुबे पंडित यांच्या प्रयत्नांना यश वसई मतदार संघातील एकूण दहा कोटी निधी मंजूर

*वसईच्या संघर्षकन्या आमदार सौ. स्नेहा दुबे पंडित यांच्या प्रयत्नांना यश – वसई मतदारसंघासाठी एकूण ₹१० कोटी निधी मंजूर!*

वसई विधानसभा मतदारसंघातील विविध प्रभागांमध्ये मूलभूत सुविधांच्या उभारणीसाठी आमदार सौ. स्नेहा दुबे पंडित यांच्या सातत्यपूर्ण पाठपुराव्याला मोठे यश मिळाले आहे.

महाराष्ट्र शासनाच्या नियोजन विभाग “ठोक तरतूद” योजनेअंतर्गत ₹५ कोटी रुपयांचा निधी व वैशिष्ट्यपूर्ण योजना अंतर्गत आणखी ₹५ कोटी रुपयांचा निधी वसई मतदारसंघासाठी मंजूर करण्यात आला आहे. त्यामुळे एकूण ₹१० कोटी रुपयांचा विकासनिधी वसई मतदारसंघाला प्राप्त झाला आहे.

ठोक तरतूद योजनेअंतर्गत मंजूर कामे: (१)गास गांव हिरवळ बंगल्यापासून ते रुमाव गार्डन पर्यंत रस्ता व गटार करणे -(प्रभाग समिती - ई(२)दिनदयाळ नगर मधील अंतर्गत रस्ते तयार करणे (प्रभाग समिती एच)(३)आनंद नगर परिसरातील अंतर्गत रस्ते तयार करणे (प्रभाग समिती एच)(४)गोखिवरे तलाव ते लकी बिर्यानी मघावो मार्ट पर्यंत रस्ता तयार करणे (प्रभाग समिती - जी)(५)जुचंद्र हॉस्पिटल ते हसोबा नगर पर्यंत गटार करणे (प्रभाग समिती - जी) असा एकूण ५ कोटी तसेच वैशिष्ट पूर्ण योजनेंतर्गत: (१)गणनाका ते गिरीज काँस पर्यंत गटार बांधणे (प्रभाग समिती - आय)(२)पारमार दाळी काँस ते होळी डॉमनिक उभाडी पर्यंत रस्ता व गटार करणे (प्रभाग समिती आय)

या दोन्ही योजनांअंतर्गत मंजूर निधीतून वसई परिसरातील रस्ते, गटार, पाणीपुरवठा आणि इतर मूलभूत सुविधा उभारल्या जाणार आहेत. यामुळे नागरिकांना मोठा दिलासा मिळणार असून वसई मतदारसंघातील विकासकामांना नवी गती मिळणार आहे.

हा निधी मंजूर करून दिल्याबद्दल आमदार सौ. स्नेहा दुबे पंडित यांनी माननीय मुख्यमंत्री श्री. देवेंद्र फडणवीस साहेब, मा. उपमुख्यमंत्री श्री. एकनाथ शिंदे साहेब, आणि मा. उपमुख्यमंत्री श्री. अजितदादा पवार साहेब यांचे मनःपूर्वक आभार मानले आहेत.

महायुती सरकारने दाखवलेला हा सकारात्मक दृष्टिकोन वसईच्या विकासाला नवी दिशा देणारा ठरेल, असा विश्वास आमदार सौ. स्नेहा दुबे पंडित यांनी व्यक्त केला आहे.

Thursday, 30 October 2025