वसई विरार शहर महानगरपालिकेने राष्ट्रीय महामार्गावरील व शहरातील एकूण १७ होर्डिंग वर निष्कासणाची कारवाई

 

वसई विरार शहर महानगरपालिका

दिनांक ३१/१०/२०२५

मा.आयुक्त श्री.मनोजकुमार सूर्यवंशी (भा.प्र.से.) व अतिरिक्त आयुक्त श्री.दिपक सावंत यांचे निर्देशनानुसार व उपआयुक्त श्री.अजित मुठे यांचे मार्गदर्शनाखाली दि.३१ ऑक्टोबर  रोजी राष्ट्रीय महामार्गावरील व शहरातील एकुण १७ होर्डिंगवर निष्कासनाची कारवाई करण्यात आली. तसेच अनधिकृतपणे कियॅाकस फलक लावणाऱ्या मधुबन येथिल विकासक निर्भयकुमारसिंग यांचे विरुद्ध आचोळे पोलीस स्टेशन येथे मालमत्ता विद्रुपीकरणाचा गुन्हा दाखल करण्यात आला.

होर्डिंग निष्कासनाच्या कारवाईत महापालिकेचे कनिष्ठ अभियंता श्री.कुणाल घरत व लिपीक श्री.दशरथ वाघेला तसेच म.सु.ब. जवान उपस्थित होते.

गेल्या ७-८ महिन्यात महापालिकेमार्फत १३५ होर्डिंगवर निष्कासनाची कारवाई करण्यात आली असून एकूण ४३ गुन्हे दाखल करण्यात आले आहेत.