*एकदिवसीय पेन्शन अदालतीचे २५ सप्टेंबर रोजी आयोजन*
पालघर दिनांक १९ : भारतीय लेखापरिक्षा व लेखा विभाग, महालेखाकार, कार्यालय-१ महाराष्ट्र आणि संचालनालय, लेखा व कोषागारे तसेच जिल्हा कोषागार कार्यालय, पालघर यांच्या संयुक्त विद्यमाने एकदिवसीय पेन्शन अदालत ,कार्यशाळा, गुरुवार दिनांक २५ सप्टेंबर २०२५ रोजी जिल्हा कोषागार कार्यालय, कक्ष क्र. १०३. जिल्हा प्रशासकीय मुख्यालय, प्रशासकीय इमारत - ब ,पालघर-बोईसर रस्ता, कोळगाव, पालघर येथे आयोजित करण्यात आलेली आहे. सकाळी १०.०० वा. ते दु. १.०० पर्यंत केवळ राज्य शासकीय कार्यालयातील निवृत्तीवेतन संबंधी कामकाज पाहणा-या कर्मचारी यांनी तसेच दुपारी २.३० ते ४.३० वा. निवृत्तीवेतन संघटना / सदस्य यांनी वरील नमूद स्थळी उपस्थित रहावे. सदर कार्यशाळेमध्ये सेवानिवृत्ती प्रकरणांवर मार्गदर्शन व चर्चा आयोजीत करण्यात येणार आहे. तरी संबंधितांनी याचा लाभ घ्यावा, असे आवाहन जिल्हा कोषागार अधिकारी संदेश सुर्वे यांनी केले.
